दिवाळी....

माझ्‍या मनाच्‍या आकाशी,
चंद्रतारे गोंदलेले,
फटफटली पुरब,
जरी दीप विझलेले....

दीप जरी विझलेले,
कुठे अंधार राहिला?
सुमंगल शुक्रतारा,
क्षितिजी ग उगवला....

दिवसाच्‍या स्‍वागताला,
प्रकाशली ग कमळे,
रंग आशेचे हासरे,
अल्‍पनेत झिरपले....

सात ठिपके सुखाचे,
सात ठिपके दु:खाचे,
करी आड संकटाला,
स्‍वस्‍तिचिन्‍ह मंगलाचे....

दारी आकाशकंदिल,
झगमगले तेजात,
कुंकुमाच्‍या पावलांनी,
आली दिवाळी हासत....

दारी सनईचे सूर,
रुणझुणले मोदात,
सवें सखी सुवासिनी,
करी स्‍वागत सस्‍मित......