कथा...

नेत्र भिडता नेत्रांना, माझी नजर झुकली,

पापण्यांच्या उंबऱ्याला, माझी नजर अडली,

हलक्याशा हासण्याने, एक लहर उठली,

मूक नथीवर माझ्या, तुझी नजर अडली...


विचारिते काहीबाही, भिवयांची धनुकली,

माझ्या नजरेने गूजें, किती किती सांगितली,

ओठांच्या महिरपीवर, तुझी फिरतां अंगुली,

फिरून एक लाट, मनामधि आंदोळली...


फिरून एकवार, लाट प्रीतीची उठली,

तुझ्या ओठीच्या वेणूत, नवी गीते झंकारली,

मंद झुळूक खट्याळ, रानोवनीं लहरली,

कथा अलवार प्रीतीची, पानापानांत कोरली.....