उखाणा...

आला महिना माघाचा,
सूर्यदेवाच्‍या पूजेचा..
सूर्यप्रकाशात रंग सात,
सूर्यदेवाच्‍या रथाला घोडे सात..
सात रंगांची कमान,
आलं देवाचं विमान..
विमान उतरलं अंगणात,
तुळस डोलतेय वृंदावनात..
अंगणामधली उखणली माती,
गायीचे शेण सारवण्‍यासाठी..
गोठ्‍यात गाय, देवांची माय,
गायीच्‍या दुधावर दाट साय..
साय काढली चांदीच्‍या वाटीत,
घेऊन गेले मधल्‍या माडीत..
मधल्‍या माडीत बसलंय कोण?
इकडची स्‍वारी, आणखी कोण?..
तुळशी, तुळशी, आरोग्‍य दे,
सौभाग्‍याचे दान दे..
हळदी-कुंकू वाहते ग,
सुधाकरांचे नाव घेते ग....