Tuesday, June 14, 2011

सख्या...

माझ्या मनाचं पाखरू,
गेलं आभाळाच्या वरी,
किती मनवलं तरी,
तुझ्याशिवाय राहिना...

दूर क्षितिजावरती,
मिळे आभाळा धरती,
तशी तुझ्यावर प्रीती,
माझ्या मनात माईना...

केतकीच्या बनामधी,
जसं नादे अलगूज,
माझ्या मनातलं गूज,
कसं तुला रे कळंना...

माझ्या ओठावर गीत,
माझ्या मनामधी प्रीत,
माझ्या मनाचा तू मीत,
कसं तुला समजंना.....

सख्या...

एक तुझी नजर,
एक माझी नजर,
विसर नजरेतला बहर,
आतातरी...

एक तुझी बोली,
एक माझी बोली,
विसर प्रीती अबोली,
आतातरी...

एक तुझं गीत,
एक माझं गीत,
विसर तुझी-माझी प्रीत,
आतातरी.....